دعايه للمنتدى

انا شايف ان مفيش اقبال على المنتدى ممكن نعمل دعايه للمنتدى عن طريق نشر بعض المراجع المهمه لابحاث الطلبه وبكده الطبله هيخشوا المنتدى

الله يننور عليك يا محمد باشا وهو ده اللى انا كنت بحكي فية من اول ما عملنا المنتدي

بس انا شايف ان مفيش حد بيجيب ابحاث ولا مراجع كل المواضيع اللى بيجبوها عامة

واحنا عايزين حاجة يكون ليها اقبال على المواقع

وليك عندي اعمل قسم للكتب والمراجع العامة

بصوا بقى مافيش موقع من غير صوتيات او مرئيات وهى دى اكتر حاجه تجذب الناس لى موقع فاقتراحى عمل مكتبه صوتيه وفديوهات.شكرا

حاضر

انا عندي فكره بس يارب تعجبكم انا بقترح بعمل غرقه شات تجمعنا كلنا

لو عملنا شات يا سماح بالشكل ده محديش هيكتب شىء فى المنتدي لان الكلام كلو هيبقى فى الدردشة مش اكتر

انا كنت عامل فعلا شات بس لغيتو علشان الناس تتكلم برحتها فى المنتدي وعلشان يتشهر اكتر من الكلام اللى متكوب فى المواضيع

يعني مثلا لو عملتي بحث فى جوجل عن كلمة معينة موقعنا هيطلع فى السريش فى جوجل عن طريق الكلام اللى موجد فية

علشان كده لغيت فكره الشات دي يا سماح

ولو مش مقتنعه انا تحت امرك من بكره اضع الشات تاني

وكمان يا سماح احنا عاملين فى كذا قسم مواضيع بتخلي الناس تتعرف على بعضها اكتر من الشات والله

يعني عندك كرسى الاعتراف مثلا


وفى القهوه بردو

وفى كذا موضوع جميل جدا من الناس اللى زي عسل اللى موجودين

وان شاء الله حاجة تعجبك

ده كان مجرد رئي عادي ........وفعلا والله المنتدي جميل جدا

ربنا يخليكي يا قمر ده بس من زوقك والله

و كل الاحترام والتقدير للرأيك يا ست الكل

وان شاء الله يكون فى افكار ديما وفى تقدم

باذن الله
ربنا هيوقفنا وهنكمل مسيرة منتدى خدمة اجتماعية بنها

ايه رايكم لو نعمل قسم للجمال والرشاقه