مبادرة حفظ اللسان في رمضان

ايه رأيكم احنا خلاص بطلنا نميمه وكدب والفاظ مش مستحبه ,طيب ايه هانفضل كده ساكتين عايزين حاجه تزود من حسناتنا ونحطها كده مكان كل الحاجات دي
ايه رايكم انا جاتلي فكرة اننا نكون موحدين كلنا علي ذكر معين طول اليوم بحيث انه مثلا لو كان الصلاه علي الحبيب محمد عليه الصلاة والسلام كلنا نتحد مع بعض في الذكر ونقوله طول اليوم حلو قوي لما ربنا يكون شاهد علينا كلنا واحنا متحدين علي حاجه بالروعه دي ,وحلاوتها هاتزيد اكتر لما ماكونش انا أو اي حد مننا لوحده حلاوتها اننا هانكون كلنا مع بعض فيها
هاتتطبق ازاي بقي الفكره دي
انا هاكتب ذكر وكل اللي عايز يبقي معايا يدخل التوبيك ويسجل نفسه بالذكر كل يوم ذكر جديد هانلاقي نفسنا لسانا كده اخد علي ذكر الله وده هايساعدنا كتييييييييير قوي فرمضان طبعا وغير رمضان
علي فكره الموضوع ده مش بس للي كانو في المبادره معايا لا ده لاي حد حابب يكون معانا
ها ايه رأيكم فيها ؟؟؟؟
ياااااااااارب تعجبكم
ولو في أي اقتراح يفيدنا فيها انا معاكوا طبعا