شوف السواقين بيكتبوا ايه على الميكروباصات والتكاتك والتكسيات

النهارده جايب لكم شويه عبارات من اللي بيكتبها السواقين علي التاكسي اوالباصات أو التكاتك


"تعمل حسابي أقدرك، تهزر معايا أعورك"

" الحلوه لما تتدلع، تخلى الاسفلت يولع "

" ما تبحلقش كده يا لوح، دي جت بطلوع الروووح "

" ما تبصش كده يا عبيط، الحلوه دي بالتقسيط "

" سوقوا بالراحه يابهايم، أصل سواق العربيه نايم "

"الحلوه خوخه ،جت بعد دوخه "

"الحلوه تفاحه، للسفر والسياحه "

" دلعها فى الغيارات، وريحها على المطبات "

" متقولش دى بكام دى جايه بدهب المدام "

" ان نام السبع ،شويه كــلاب يكلوه "

" لما كنت عصفور كلونى، ولما بقيت اسد صاحبونى "

" عضه اسد ولا نظره حسد "

" العجوز دا رياضي والدكر يمشي قصادى "

" الحلوه مش ورث دى جايه بطلوع الضرس "

" سولار وربك الستــــــار "

" سولار فى التانك ولا مليون فى البنك "

" طلبنا من ربنا ادانا وعيون الناس مش سايبانا "

وفى عربية نقل من غير مقطورة صاحبها كاتب عليها

" متزعليش يا أمورة بكرة اجيبلك المقطوره "
"فداك زوجتى يا رسول الله"

"الست زى التوك توك ..بيمتع الراجل"

"لف البلد بجنبه.. خلى الغلابة تتفسح"

"1+1=3 أصل ما فيش ضمير"

"ممنوع ركوب ولاد أبو اسماعيل"
واحد كان كاتب على مقطورة عربية نقل "
حتى هدف حياتى طلع تسلل"