عصفور وعصفورة وسما وبحر وشجرة مهجوره

عصفور وعصفورة وسما وبحر وشجرة مهجوره
حلمهم عشه صغيوره فوق الشجرة المهجوره
حفروا على الشجرة حلمهم ورسموا صوره لعشهم
وجمعوا قش عشهم عشان يبنوا حلمهم
وطار العصفور يسعى على رزقهم عشان يكمل حلمهم
وساب العصفوره بين كومة قش وصورة
وبدات العصفورة تجمع في القش عشان تبني عش زي الي في الصورة
ولما بدا العش يبان حقيقه فوق شجرة الاحلام
وقعت العصفورة من كتر التعب
انكسر جنحها والهم صبها
ومقدرتش تطير للعش وتبني ببقيت القش الي اتبقى من العش
طلبت من عصفور يساعدها يكملها العش ببقيت القش
لحد ما يرجع عصفور حبها ويكون خف جرحها
العصفور رجع شايل رزقهم لكن شاف عصفور تاني بيبني في عشهم
اتصدم العصفور ومخدش باله من العصفوره ان جنحها مكسور
وطار العصفور من غير اي استفسار
وماتت العصفوره ام جناح مكسور تحت الشجرة المهجوره
كانت مستنيه يتحقق الحلم الي في الصوره
عصفور وعصفوره في عشه على شجره مهجوره


اتمنى ان اعرف رايكم