التدريب

على فكره يا جماعه اللى فى الفرقة الثالثة التدريب بتاعنا بداء فى المدارس

وطبعا كل واحد عارف المدرسة اللى بينزل فيها تدريب

والتدريب كل يوم ثلاثاء واربعاء من كل اسبوع من الساعه 9 ص الى 11 ص

وطبعا قوللنا ان لازم نكون دفعين المصروفات علشان نثبت الحضور بتاعنا فى المعهد

واللى مدفعيش المصروفات يروح طبعا يدفعها قبل يوم الثلاثاء القادم علشان ما يتسجليش غياب فى التدريب

وبالتوفيق ان شاء الله

تسلم يا اسلام يا عسل .......

احنا بقى معانا مشرفه والله عسل يادوب شوفناها مره واحده بس الترم الاول وهى المره الواحده مالهاش تانى وخلصت العمليه والتدريب ماشى زى الفل

ههههههههههههه

ما هي دي اجدع حاجة احنا عندنا بردو كده يدوب بنروح نمضي فى المدرسة ونقعد ساعه كده ولا حاجة ونروح

بس هو كل اللى عندنا فى الترم التاني 3 حالات فردية هنكتبهم فى الكشكول وخلاص يبقى كده الترم خلص لان الترم ده مزنوق جدااا هو شهر واحد تدريب وبعد كده امتحانات الترم التاني وعلى فكره يا جماعه المعسكرات هتبقى بعد الامتحانات

انا مش رحت ولا التلات ولا الاربع

وربنا يستر بقى

الف شكر بس المعسكرات هتبقي فين بالظبط ؟؟؟؟؟؟؟؟؟؟؟؟

اسلام هو فيه معسكرات للفرقه الثالته؟؟؟

المشرف عندنا وحش اوى يا جماعه
انا بكره اروح المدرسه بسبب المشرف المعهدى واخصائى المدرسه
بيطلبوا مننا طلبات كتيره
وغير كدااا
فى الترم الاول كنا صباحى بنروح الساعه 7
ونروح 12
وكنت بستحمل الكام ساعه دول بالعافيه
فى الترم التانى بقيت
ظهر
بنروح
11 ونصف
ونروح 5
ويوم ما يحن علينا ونروح بدرى
يبقى 4 ونصف

يا رب السنادى تعدى على خير

اه نسيت اقول حاجه
المشرف بتاعنا قال المعسكرات بعد الامتحانات
وقال تقريبا حلوان بالنسبه للبنات
اما الشباب لسه مقرروش

على العموم محدش يقلق
اول ما ينزل المعسكر حيبعتوا جواب لكل طالب على البيت
محدش يقلق

بصى يا ساحره تقديري تروحي قسم التدريب فى المعهد وتقولي للمشرف العام أ/ محمد شرف او مش عارف مين اي حد غير المشرف بتاعك وقوليلو انا عايزه اعرف مواعيد التدريب بتعتي من كام لكام بظبط لان التدريب الصباحي من 9 الى 11
والمسائي من 12 الى 2 م
ده اللى اعرفو ولو قالك نفس الكلام ده تقدري تروحي فى المواعيد دي وميهمكيش حد

انا عارفه انا مواعيد قسم ظهر من 12 الى 2
وقلنا للمشرف
قلنا لا انتوا تدخلوا فى مواعيد المدرسه
وتطلعوا فى معاد خروج المدرسه
وبعدين المشرف النعهدى بتاعنا استاذ ايمن شحاته والمعروف عنه انوا شديد
وطلباته كتير
تعرفوا ان احنا علينا امتحان كل شهر
على كل اللى احنا اخذناه
سواء فى الترم الاول او التانى
وبيسالنا شفوى

خلاص يا ساحره خليها على الله بقى وكملي السنة دي على خير

خلاص هانت مفضليش كتير ونمتحن لان الترم ده قليل جدا الامتحانات احتمال تبقى فى اخر شهر اربعه او فى اول خمسة

وربنا يستر ان شاء الله على الجميع

والمسعكرات السنة دي هتبقى 3 ايام فى حلوان يوم رايح ويوم هناك ويوم جاي وفى ناس مش هتروح معسكرات علشان العدد كبير طبعا هيبقى ليها بديل ممكن دوره كمبيوتر او اي حاجة تانية هيطلبها منك مشرف المعهد بديل للمعسكرات
وطبعا اللى خد دوره الكمبيوتر مره مش هيخدها تاني

وربنا يسهل ونكملها على خير ان شاء الله

ان شاء الله
ربنا يعدى السنادى على خير