عايش معاك وكأنى مش عايش.. حاجه وملهاش قيمه عالهامش
قلبى خلاص عرف إنك مش ليه؟..وإنه فى اختياره كان طايش
مبقاش يحس بحاجه منك ليه؟..ياما جرحته ياما جيت عليه
دايما تسيبه لوحده وسط النار.. بايعه وقوللى إمتى كنت شاريه؟
ظروف؟.. دايما تقوللى ظروف؟..بالذمه مش مكسوف؟
ولا حاسس بزنبك؟
معاك.. مكنتش غير معاك.. ومشوفتش غير أساك
وليه افضل جنبك؟
......................
ياما عاتبتك ياما كنت بلوم؟..بس الكلام عندك ملهوش لزوم
ولاحتى أثر مره واحده فيك.. ورضيت تعيشنى ف هواك مظلوم
مفكرتش فى مره إنى همل؟..وان الجرح خلى حبى يقل؟
مفكرتش إن اقدر أأسى عليك؟..وهييجى يوم تحس فيه بالذل
ظروف؟.. دايما تقوللى ظروف؟..بالذمه مش مكسوف؟
ولا حاسس بزنبك؟
معاك.. مكنتش غير معاك.. ومشوفتش غير أساك
وليه افضل جنبك؟