ازاي توصل لقلب البنات!!

ازيكم ياشباب تعالوا نتكلم شوية عن البنات


1-البنات بتحب المجاملات رغم انه عادة مش بيعرفوا إزاي يردوا أو يتصرفوا لماحد يجاملهم
2-البنات بيحبوا يتكلموا عن شعورهم عن الاغاني اي حاجة بتعكس شخصيتهم ودايما بيحسوا ان اللي قدامهم مش فاهم( حاجة معروفة)
3-ابتسامة واحدة تعني الكثير للبنات ممكن يتصلحوا و ينسوا هما كانوا مضايقين ليه (صدقوني بتفرق معاهم اوي)
4-لو البنت سمعت كلمة "بحبك" دي اكتر إثبات إنها حلوة بالنسبة لها(دي بجد مش تريقة)
أوعي تحاول تخمن مشاعر بنت ....اسألها(متفكرش تجرب)
5-لو بنت معجبة بيك وانت مش بتبادلها نفس الشعور لازم تبعد عنها بطريقة ظريفة لانها مش هاتغير مشاعرها طول ما انت قدمها
6-لو عايز تعرف إزاي ممكن تسعد بنت إقراء قصص رومانسية
7-لو البنت معجبة بشخص ما وبص وهو بيكلمها في عينها لا يمكن تبص في عينه حتبص في اي حتة تانية
8-أوعي تقول ابدا لبنت انها ملهاش لازمة بأي طريقة كانت حتي لو كانت هزار و إلالالالالا
9-أوعي تقول لبنت انها تخنت مهما كانت الحقيقة حاول تهرب لو سألتك هو انا تخنت قولها انك مش واخد بالك ....أي حاجة إلا "شوية" او "ايوه"(اعمل عبيط)
10-لو البنت معجبة بواحد وكلمها اول مرة ممكن تعمل انه عادي مجرد تليفون لكن اول ما تقفل السماعة حترفعها تاني علشان لا يافالح مش حتكلمك حتكلم صاحبتها تقولهم انك كلمتها علشان كده لو كلمتها تاني بعد شوية ولقيت التليفون مشغول مبروك يا عم البت معجبة بيك
مهما كان الولد دايس برضة مبيفهمش البنات غير بنت زيهم
11-فيه بنات بتهتم بالمظاهر وفي بنات بتهتم بالشخصيةخليك في المضمون بقي كل البنات بيهتموا بواحد يحبهم ويهتم بيهم ويخاف عليهم ساعتها ممكن يتنازلوا عن الشكل وحتي الشخصية
12-لو بنت قالت انها مضايقة ومبكتش ده معناه ان قلبها بيبكي
13-خلي بالك لو كنت جد زيادة عن اللزوم البنات هتطفش منك(أغلبهم) بس في بنات بتحب الجد بس نادرين جدا يعني متحبكهاش اوي ما فيش مانع من شوية هزار فكها شوية يعني
14-علي فكرة كلمة هاي أو مجرد السلام ممكن يفرق كتير أوي عند أي بنت
15-صاحبة البنت الانتيم غالبا اكتر واحدة عارفة هي بتحس إيه وبتفكر إزاي علشان كده ممكن تسأل اصحابها عنها مثلا ازاي تكلمها ازاي تصالحها وكده يعني او اسال بنات انما نصائح الولاد للولاد دي حتوديك في داهية


المهم انك تحبها بجد وكل حاجة انت بتعملها بتكون بصدق مش تمثيل هتوصلها على طول وتفرح بيهاااااا

موضوووووووووووووووع جميييييييييييييييل

يسلموووووووووووووو
مرورك اكتر من رائع يا جميل

والله يا اسد كلماشى حلو اوى
وموضوع هايل والله بامانه
تسلم ايدك يا غالى