المعهد العالى للخدمة الاجتماعية ببنها يختص الموقع بنشر كل ما هو جديد فى معهد خدمة اجتماعية بنها من مواضيع واخبار وامتحانات ونتائج الامتحانات


معاكسة تليفون

شاطر
avatar
Mohamed50
•-«[الاسلوب المميز]»-•
•-«[الاسلوب المميز]»-•

عدد المساهمات : 2812
تاريخ التسجيل : 24/02/2010
العمر : 28

معاكسة تليفون

مُساهمة من طرف Mohamed50 في الأحد 15 أغسطس - 7:52

معاكسه تليفونيه
ده ولد صغير بيعاكس صاحب السوبر ماركت فى التليفون يلا نشوف عمل معاه ايه؟؟؟؟؟؟؟؟؟؟؟؟
ترن ترن ترن ترن

صاحب السوبر ماركت : الو سوبر ماركت اطلب واتمنى فى خدمتك .


الولد: الوو البوليس بوليس النجده .


صاحب السوبر ماركت : بوليس ايه يبنى لا احنا السوبر ماركت .


الولد : الحقنى يا عمو الشرطى انا عاوز ابلغ عن جريمه قتل.


صاحب السوبر ماركت :عمك الشرطى مين ياض انا بقؤلك انا صاحب السوبر ماركت.


الولد : وانا بقؤلك فى جريمه قتل.


صاحب السوبر ماركت :جريمه قتل يخرب بيتك وبتكلمنى اقفل مليش دعوه.


الولد : كده يا عمو الشرطى مش انتو برضو بتقولو ان الشرطه فى خدمه مجلس الشعب.


صاحب السوبر ماركت :مجلس الشعب ومجلس الشورى ايه يبنى اسمها الشرطه فى خدمه الشعب.


الولد : طب اخدمنى بقه ونفذلى طلبى.


صاحب السوبر ماركت :يبنى اخدمك بعنيه وانفذلك طلبك بس يكون حاجه سهله يعنى عاوز نص كيلو جبنه براميلى على ربع لانشون


على علبتين جبنه نستو لافاش كيرى .انما تقولى قتل لا لحد هنا وستوب.


الولد : مش بحب لافاش كيرى عندك بريزدون.


صاحب السوبر ماركت :ده انت عيل رخم قوى بقا بتقول عندك جريمه قتل وتكلمنى عاوز بريزدون .


الولد : ما الخوف اللى انا فيه جوعنى .


صاحب السوبر ماركت :بس للاسف مش هوصلك طلبك دليفرى عشان القتيل اللى عندك


منا عارف الحركات دى اجيلك تكون كلمت البوليس وتقوله هو ده اللى قتله .


الولد : خلاص كتك الارف انت مش جدع على فكره.


صاحب السوبر ماركت :وانت عيل رخم على فكره.


وقفل السكه.

.................................................. ....

شويه وجرس تليفون السوبر ماركت رن تانى .


صاحب السوبر ماركت :الووو


الولد : الو الاسعاف.


صاحب السوبر ماركت : انت هتستلمنى شكلك انهارده.


الولد : لو سمحت عاوز عربيه اسعاف ماركه بيجو 7 راكب مكيفه .


صاحب السوبر ماركت :ما اجيبلك شيروكى احسن وبعدين بيجو 7 راكب ومكيفه ازاى يعنى.


الولد : القتيل عندو نبض فى امل يعيش الحقنى بسرعه.


صاحب السوبر ماركت : انا امى دعت عليه شكلها انهارده .


الولد : اكيد زعلتها هو فى احسن من حنان الام يا عمو دى الام دى مدرسه .


صاحب السوبر ماركت :بس ياض انت هتعملى فيها استاذ وتكلمنى عن الام .


الولد : انت راجل عديم الاحساس.


صاحب السوبر ماركت :وانت عيل ابرد منك ما شوفت.


وقفل السكه .


.................................................

شويه وجرس التليفون رن تانى.


صاحب السوبر ماركت :الووووووو.


الولد: الووو المطافى.


صاحب السوبر ماركت : ياريت تولع عشان اخلص منك .


الولد : يا عمو القتيل هيموت محروق منى الحقنى .


صاحب السوبر ماركت : هيموت منك مش عيب عليك تبقا عيل فى كى جى تو وتبقا قتال قتله .


الولد : متقلبش عليا المواجع بقه.


صاحب السوبر ماركت : عموما مفيش مطافى ولو عاوز تتطفى عندك حنفيه بيتكو ابقا استعملها.


الولد : لالالالالالالالالالا يعنى خلاص مفيش امل صوصو كده هيموت منى.


صاحب السوبر ماركت : صوصو ؟؟؟صوصو مين؟؟؟


الولد : عصفورى اللى حرقته وخنقته ودبحته وكسرت رجله فى ساعه نرفذه.


صاحب السوبر ماركت : ده انت مجنون يله انا هكلملك العباسيه .


الولد : سلام بقه كفايه هظار فى التليفون مش عيب عليك راجل كبير وتعاكس فى التليفون وكمان معاد نومى جه.


صاحب السوبر ماركت : يلاهووووووووووووووووووووووووووووى ده كان بيشتغلنى
avatar
loverboy
•-«[مشرف]»-•
•-«[مشرف]»-•

عدد المساهمات : 386
تاريخ التسجيل : 10/07/2010
العمر : 26

رد: معاكسة تليفون

مُساهمة من طرف loverboy في الأحد 15 أغسطس - 13:36

ههههههههههههههههههههههههههههههههههههههههههههه
جاااااااااااااااااااااااااااامدة تسلم
avatar
Mohamed50
•-«[الاسلوب المميز]»-•
•-«[الاسلوب المميز]»-•

عدد المساهمات : 2812
تاريخ التسجيل : 24/02/2010
العمر : 28

رد: معاكسة تليفون

مُساهمة من طرف Mohamed50 في الإثنين 16 أغسطس - 8:35

شكرا ياعبده ع الررد
avatar
samah_s
•-«[مشرف]»-•
•-«[مشرف]»-•

عدد المساهمات : 365
تاريخ التسجيل : 03/06/2010

رد: معاكسة تليفون

مُساهمة من طرف samah_s في الإثنين 16 أغسطس - 11:54

هههههههههههههههههههههههههههههههههههههههههههههههههه


جامده جدا جدا

يامحمد انت بجد محصلتش دمك عسل والله Laughing Laughing

    الوقت/التاريخ الآن هو الإثنين 19 نوفمبر - 13:57