شايف البنت الى ماشية هناك دى....

وحيد : شايف البنت اللى واقفة بعيد دى ؟

فريد: اه شايفها مالها ؟

وحيد : اسكت يا عم ان الله حليم ستار ..

فريد: مالها بس ؟ هى مين دى اصلا ؟؟

وحيد : دى يا عم فلانة بنت فلان اللى بتكلم فلان وبتعمل كذا وكذا وسمععتها كذا وكذا

فريد: يااااااااااااااه ومين اللى قالك على الحاجات دى كلها ؟

وحيد: ياعم هو فيه حاجة بتستخبى وبعدين الواحد بيبان عليه برده

فريد: كفاية كدا بقى ياعم..
دع الخلق للخالق احنا بردو عندنا اخوات بنات
_________________________________________________


علياء: مش دى نجلاء؟؟

شيماء: ايوه هى ..

علياء: وايه اللى عاملاه فى نفسها ده..حاطه نص كيلوا بودره على وشها!!
ومين اللى ماشى معاها ده؟؟

شيماء: ده الواد وائل..
ياريتها تيجيي على وائل وبس..ده نص الدفعه معاها رقمها..

علياء: يا نهار..!!
ربنا يهديها ..


___________________________________________


كام مرة سمعنا السيناريو ده ؟ تقدر او تقدرى تفتكرى ؟

أكييييييييييييد كتيييييييييير اوى


انتوا عارفين ده ايه ؟
.. ده اسمه

قذف محصنات

انت عارف ان لو احنا فى بلد بيتطبق فيه شرع ربنا كان هيكون ايه عقابنا؟؟؟؟

80 جلده

نقدر نستحمل !!

وكمان أن ترد شهادته

وان يصبح فاسقا ليس بعدل لا عند الله ولا عند الناس

قال تعالى: (( والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبدا وأولئك هم الفاسقون ( 4 ) إلا الذين تابوا من بعد ذلك وأصلحوا )). ( سورة النور، الآيتان: 4، 5 ).

فقد عاقب الله من رمى مؤمناً بفاحشة بثلاث عقوبات:

الأولى: الجلد. (( فاجلدوهم ثمانين جلدة )).

الثانية: رفض الشهادة (( ولا تقبلوا لهم شهادة أبداً )).

الثالثة: الحكم عليهم بأنهم فاسقون. (( وأولئك هم الفاسقون )).

.................................................. ..............
تعرفوا ربنا سبحانه وتعالى يبقول لنا ايه كمان فى قذف المحصنات .. تعالوا نقرأ الآية دى

" ان الذين يرمون المحصنات الغافلات المؤمنات لعنوا فى الدنيا والآخرة ولهم فى الآخرة عذاب عظيم "


شايف الخطوره

لعنوا فى الدنيا
ولهم فى الآخرة عذاب عظيم

وقذف المحصنات من

السبع الموبقــات " اى المهلكات "

بجد اياااااااااك وقذف المحصنات اللى بنتساهل فيه معظمنا يعنى الا من رحم ربى ..

يعنى هنستفاد ايه ؟


علشان تقول كلام مش كويس على بنت لااااااااااازم تكون واثق مية فى المية من الكلام ده .. مش كدا وبس

لكن كمان لاااااااااازم يكون معاك اربع شهود على الكلام ده .. يكونوا رأوا منها ما يثبت ذلك مرأى العين

غير كدا لااااااازم منتكلمش!!


سيدنا عمر سمع صوت امرأة مع رجل لكن من وراء حجاب او ستار وذهب واخبر سيدنا على بن ابى طالب

فقال له على أمعك شهود ؟؟ ..

طيب وهل سيدنا عمر هيكدب يعنى؟؟
هيحتاج هو كمان لشهود ؟
ايوااااااااااااااااااااا لازم اربعة

فقال له عمر: لااااا

فقال على : لو نطقت اسمها لجلدتك

تخيلوا !!

كام مرة وقعنا فى قذف المحصنات


يا ما الكلام ده خرب بيوت وطلق زوجات واتسبب فى اذى ناس الله اعلم ببراءتهم او ذنبهم

هل لو واحدة فينا هترضاها على نفسها ؟ . . وهل لو أختك هترضاها عليها ؟

واخيرا هذكركم بقول الله تعالى :


( إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُمْ مَا لَيْسَ لَكُمْ بِهِ عِلْمٌ
وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ )

ربنا يعفينا ويعفو عنا ويرحمنا .....اللهم اميـــــــــــــــن
تسلم يا اسد جزاك الله كل خير وان شاء الله ربنا يجعله في ميزان حسناتك

موضوع هايل جدا وده فعلا الى بيحصل الايام ديه

ربنا يتوب علينا من الحاجات الى بتحصل ديه

وجزاك الله كل خير